Patay ang 51-anyos nga lalaki matapos ginbuno samtang nagtambong sa birthday party sa Sitio Cabagal, Barangay Buenavista, Himamaylan City alas-9:00 sang gab-i sang Miyerkules.
Ang biktima aang ginkilala nga si alyas Nene, 51-anyos, lalaki, kasado samtang ang suspect naman amo si alyas “Boy-boy”, legal age, lalaki, kasado lunsay mga mangunguma kag residente sang nasambit nga lugar.
Sa inisyal nga impormasyon, ang biktima kag suspect kaupod ang ila mga tupad balay ang nagtambong sa birthday party.
Antes ang insidente, ginhambalan ni alyas “Nene” si alyas “Boy-boy” nga magsuksok sang bayo bangud madamo sang bisita ang magatambong sa selebrasyon.
Bangud sini, nagpangakig ang suspect kag ginpalitan ang biktima.
Ginbunot sini ang stainless nga kutsilyo gikan sa iya nga hawak kag ginbuno si Nene sa nawala nga bahin sang iya abaga.
Gilayon nga nagpalagyo si Boy-boy matapos ang krimen.
Ginhingagaw pa dala ang biktima sa ospital apang gindeklarar nga dead on arrival.
Padayon ang pursuit operation sang Himamalay City Police Station agud maaresto ang suspect.
