Nagpasalig ang probinsya sang Negros Occidetal nga magahatag sang financial assistance sa Negrense nga Overseas Filipino Worker (OFW) nga ginmaltrato sang iya amo sa Riyadh, Saudi Arabia.
Ang OFW ang ginkilala nga si Maria Eva Abastillas, 45-anyos, residente sang Barangay 8, Isabela, Negros Occidental.
Si Abastalillas ang nagbiyahe bilang domestic helper sa Saudi sang Disyembre 2023.
Nagpalagyo siya sa balay sang iya amo sang nagligad nga semana.
Ini bangud pila na siya katuig nga ginamaltrato kag wala man ginapakaon sang insakto sang iya amo.
Suno kay Negros Occidental Governor Eugenio Jose “Bong” Lacson, si Abastalillas ang yara na subong sa Philippine Embassy sa Riyadh.
Suno sa Gobernador, ginaproseso sang national government ang iya repatriation kag natalana nga mapuli sa Negros Occidental.
