Indi magnubo sa 111 ka mga indibidwal ang ginbawian sang kabuhi samtang 87 naman ang pilason, matapos gintay-og sang magnitude 7.4 nga linog ang pila ka bahin sang Colombia, santo sa presidential office sang pungsod.
Sa departamento sang Valle del Cauca, indi manaug sa 27 ka tawo, kalakip ang tatlo ka bata, ang nareport nga ginbawian sang kabuhi.
Ang labing apektado naman nga ciudad amo ang Cali nga may kapin 30 ka istruktura ang natiphag.
Indi naman manaug sa 40 ang napatay sa rehiyon sang Risaralda.
Gin-report naman sang gobernador sa rehiyon sang Choco nga madamo man ang pilason kag natiphag nga mga building ilabi na sa ciudad sang Quibdo kasubong man sa ciudad sang Pereira.
Temporaryo naman nga ginsuspender ang operasyon sang pito ka mga airport sa pungsod.
Nagpalab-ot naman sang bulig ang Estados Unidos suno kay Secretary of State Marco Rubio.
Sa karon, padayon ang pagpatigayon sang search-and-rescue operations sa mga lugar nga labing apektado.
