Ginbawian sang kabuhi ang kapin sa 13 ka indibidwal samtang 78 naman ang pilason matapos maglunsyar sang pagpang-atake ang Ukraine sa Nizhnekamsk, sentro sang industriya sang langis sa rehiyon sang Tatarstan, central Russia, kahapon sang Lunes, santo sa mga lokal nga otoridad.
Ginpahayag sang militar sang Ukraine nga naigo sini ang isa ka oil refinery sa nasambit nga lugar, nga makit-an sa border sang Ukraine may 1,200 kilometers ang kalayuon.
Wala naman ginhambal sang mga opisyal sang Russia kun ano ang mismo nga target sang mga drone.
Sa mga nakaligad nga bulan, halos adlaw-adlaw na nga ginatarget sang Ukraine ang mga pasilidad sang langis sa Russia gamit ang mga long-range drones.
Base sa mga report, nakaapekto ang mga pag-atake sa suplay sang gasolina kag kapasidad sang Russia sa pagproseso sang langis.
