Portuguese football superstar kag highest paid athlete in the world Cristiano Ronaldo, nagpakasal na sa iya long-time partner nga si Georgina Rodriguez

Ginkasal na ang Portuguese football superstar nga si Cristiano Ronaldo sa iya long-time partner nga si Georgina Rodriguez sa isa ka ceremony sa Portuguese resort sang Cascais, suno sa representatives sang player.

Ginpakigbahin sang 41-anyos nga si Ronaldo, ang picture sang ila mga kamot ni Rodriguez nga may wedding bands.

Nagtambong ang lima nila ka kabataan sa ila pribado nga seremoniya suno sa Brunswick Group nga naga-uyat sa public relations ni Ronaldo.

Nagpakasal ang magkahagugma eksakto nga isa ka tuig matapos gin-anunsyo paagi sa Instagram sang 32-anyos nga si Rodriguez ang ila engagement.

Samtang, matapos nga maghampang ni Ronaldo para sa Portugal sa World Cup sini nga summer, nagahampang naman ini sa karon para sa Saudi club Al-Nassr.