Ginkalipay sang Bacolod Alliance of Commuters, Operators, and Drivers (BACOD)-MANIBELA ang nangin sabat sang chairman sang Land Transportation and Franchising and Regulatory Board (LTFRB) sa ila paghinun-anon kahapon.
Sa interview sang Bombo Radyo Bacolod kay Rudy Catedral, ginhingyo sini nga dapat nga maaprubahan ang provisional authority sang mga traditional jeepneys nga ma-renew sang 2020 tubtob 2022.
Suno kay Catedral ang rason kun ngaa wala ang mga ini naka-renew ang bangud sa pandemya kag multa nga P20,000 kada isa nga gindagdag sang LTFRB.
Suno kay Catedral, nagpahayag si Land Transportation Franchising and Regulatory Board (LTFRB) chairman Vigor Mendoza II nga pahanugutan niya ini basta may yara sang valid nga rason kag may yara sang prangkisa.
Ginplastar man ni Cathedral sa LTFRB ang matuod nga sitwasyon sang transport sector sa ciudad sang Bacolod.
Suno diri, 500 units sang jeep ang wala maka-renew sang ila nga provisional authority.
