Nagpangabay ang legal team ni Vice President Sara Duterte sang oral arguments angot sa ila motion to quash sa grave threats case nga ginreklamo batok sa bise presidente, bangud malapad ang legal implications sang kaso.
Suno sa legal counsel ni Duterte nga si Atty. Paul Lawrence Lim, importante nga mabatian sang korte ang ila argumento antes magdesisyon bangud posible maapektohan man ang mga incumbent impeachable officers sa palaabuton sa mangin resulta sang ini nga kaso.
Ginpaathag ni Lim nga kun ma-indict kag ma-prosecute ang bise presidente, mahimo ini mangin basehan para sa mga masunod nga kaso batok sa mga impeachable officers kaangay sang Ombudsman, members of the Constitutional Commissions, Supreme Court Justices, kag mangin ang Presidente.
Sa karon, ginahulat na lamang ang mangin tikang sang korte sa mosyon kag sa hingyo sang depensa para sa oral arguments.
