Ginkwestyon sang House prosecution panel kahapon ang pagtambong ni Vice President Sara Duterte sa arraignment sang iya utod nga si Davao City Representative Paolo “Pulong” Duterte, kag ginpahayag nga dapat amo man ang ginapakita nga commitment sa kaugalingon nga impeachment trial.
Sa pahayag ni prosecutor Terry Ridon sang Bicol Sary Partylist, gintawag niya nga “selective attendance” ang pagtambong sang bise presidente sa proceedings sang iya utod.
Suno kay Ridon, indi man required ang presensya ni Duterte sa proceedings sang iya nga utod.
Pahayag sini, mas importante nga atubangon sang bise presidente ang publiko kag sabton ang mga alegasyon batok sa iya sa Senate impeachment court.
Ginsambit man ni Ridon si anay Chief Justice Renato Corona bilang halimbawa sang isa ka opisyal nga nag-atubang sa impeachment proceedings.
Gin-updan ni VP Sara ang iya utod nga si Congressman Paolo “Pulong” Duterte sa iya arraignment sang Agosto 13 sa Regional Trial Court-Branch 52 sa Davao City.
Ginkasuhan si Paolo Duterte sang grave threats angot sa reklamo sang businessman nga si Kristone John Patria.
