Kalabanan sa mga aktibidad sa Bacoldo Masskara Festival tinalikdan nga tuig ang adoptarun gihapon subong nga tuig, kag madamo pa sang mga dugang nga balantayan.
Sa interview sang Bombo Radyo Bacolod kay Bacolod City Councilor Jason Villarosa, chairperson sa Committee on Tourism sa Sangguniang Panlungsod, yara na sa Sangguniang Panlungsod ang accreditation para sa mangin organizer nga Bacolod Gugma Foundation.
Gin-aprubahan na sa session sang Miyerkules ang Memorandum of Agreement (MOA), samtang ang ratification ang suguran naman sa masunod nga semana.
Ang Gugma Foundation ang nagsumiter naman sang liquidation kag mga plano.
Suno kay Villarosa, bangod sa madinalag-on nga Masskara Festival nakaligad nga tuig, nadesisyonan nga ipadayun na lamang ang kadam-an nga mga aktibidad partikular na ang Masskaralympics luwas pa sa mga highlights.
Subong nga tuig, lauman ang mas madamo pa nga mga national artist nga magabisita kag magaperform.
Suno kay Villarosa ang sponsor ang nagcommit naman sang mas masadya nga Masskara Festival 2026 kag tinguhaan nila nga malapawan ang sales nakaligad nga tuig.
