Napatay kasunod sang magnitude 7.7 nga linog sa eastern Indonesia, nagdangat na sa 47

Nagdangat na sa 47 na ang napatay kasunod sang magnitude 7.7 nga linog sa eastern Indonesia.

Suno sa National Disaster Management Agency (BNPB), ginalauman nga magasaka pa ang numero sang mga nagkalamatay kun sa diin madamo man ang napilasan sa insidente.

Pila man ka building ang naguba bangud sa linog.

Ang nasambit nga linog ang ginsundan sang magnitude 6.1 nga aftershock.

Pila ka mga residente sa lugar kun sa diin natabo ang linog ang gin-evacuate naman sang mga otoridad.

Padayon sagihapon ang pagpangita sang mga otoridad sa mga natabunan sa narumpag nga buildings bangud sa linog.