Ginpahayag sang station commander sang Bacolod Police Station 5 nga plano sang mga ini nga pasakaan sang kaso ang estudyante nga nagsumbag sa isa ka pulis sa Barangay Granada, Bacolod City sang Agosto 14 kun ini ang mahibaluan nga ini ang may ihibalo ukon discernment sa iya nga ginhimo.
Sa interview sang Bombo Radyo Bacolod kay Police Major Andy Ofalia, ang estudyante nga nagsumbag sa isa ka pulis ang yara sa paghinakop sang Women and Children Protection Desk para sa nagakaigo nga disposisyon.
Suno kay Ofalia, nagaplano ang mga ini pasakaan sang kaso ang estudyante kun mahibaluan nga may discernment ukon nakahibalo sa iya ginhimo.
Suno diri ang police ang nadapatan na sang pagbulong kag nagapaayo na sang pilas sa idalom sang nawala nga mata kag ilong.
Madumduman nga natabo ang insidente sang naglabay ang isa ka pulis sa isa ka eskwelahan sa Barangay Granada kun sa diin nakita ang estudyante nga naga-skateboard.
Ginsaway sang pulis ang estudyante bangud buhi na kag madamo na ang nagalabay nga mga salakyan nga nagasugat sa eskwelahan.
Apang hinali lang nga ginsumbag ang pulis sang lain nga estudyante nga gamit ang pitchikorno.
Nakaangkon sang pilas ang pulis sa idalom nga bahin sang iya nawala nga mata kag ilong ang police. Samtang, nagpanawagan ang Punong Barangay sang Barangay Granada, Bacolod City sa mga ginikanan nga bantayan ang mga kabataan kun ano ang ginadala sa eskwelahan agud malikawan ang pagdala sang delikado nga mga butang.
Sa interview sang Bombo Radyo Bacolod kay Punong Barangay Armando Vito, ginahugtan na sang Barangay ang pagbantay sa mga kabataan apang aminado ini nga indi nagid mapaktan kun ano ang mga dalagan sang mga paminsaron sang mga ini kag nagahimo sang indi insakto nga mga butang.
Suno kay Vito, nagapangabay ini nga indi na liwat matabo ang natabo nga ginsumbag sang isa ka estudyante ang isa ka pulis sa Barangay Granada, Bacolod City sang Agosto 14.
Panawagan sini sa mga ginikanan nga bantayan ang mga aktibidad sang mga kabataan.
