Duha ang kumpirmado nga napatay, samtang siyam naman ang pilason matapos ang shooting incident nga nagluntad sa ikaapat nga panalgan sang Junior High School building sang Ateneo de Zamboanga University subong nga aga.
Una nga gintiro sang suspek ang manunudlo apang wala masamaran antes sini gintiro ang isa ka estudyante nga ginbawian sang kabuhi.
Samtang nag-utas man sang kaugalingon nga kabuhi si Nael Jalani, Grade 9 Junior High School student nga suspect sa school shooting.
Gin-livestream pa sini sa iya social media account ang pagpangluthang.
Ini ang naggamit sang duha ka sahi sang armas-luthang nga ginalakipan sang isa ka Glock 9mm handgun kag isa ka custom built M16 rifle.
Sa karun, padayun pa nga ginahibalo sang kapulisan ang motibo sa school shooting.
Ginatumod man kun paano napasulod sang estudyante ang mga armas sa school campus.
Ang amay sang suspect ang isa ka Customs police chief sa Zamboanga.
Ini ang ginkumpirmar ni Customs Commissioner Ariel Nepomuceno.
Suno kay Nepomuceno, ginkakas na sa pwesto ang amay sang suspect matapos ang nasambit nga insidente.
