Indi na pagagamiton ang Paglaum Sports Complex bilang venue sang 2026 MassKara Arena Competition bangud sa safety concerns.
Sa interview kay MassKara Festival Director Rodney Ascalon, pagkatapos sang ila assessment, nakita nga indi na safe nga ipatigayon sa Paglaum Sports Complex ang amo nga kompetisyon.
Suno kay Ascalon, indi man paggamiton bilang alternatibo ang Bacolod Public Plaza bangud sa limitado nga lugar kag bag-o lamang ini na-renovate kag posible nga maapektuhan ukon maguba kon gamiton sa isa ka daku nga aktibidad pareho sang arena competition.
Suno diri kulang ang pulungkuan sa Plaza sa madamo nga audience.
Dugang pa, bag-o pa lamang ini nga gin-renovate kag posible nga maapektuhan ukon maguba kon gamiton sa isa ka daku nga aktibidad pareho sang arena competition.
Ginpahayag man ni Ascalon nga nagapangita na sila sang bag-o nga venue para sa arena competition.
Ginalantaw nga i-anunsyar ang bag-o nga venue sa official launching sang MassKara Festival 2026 sa una nga semana sang Setyembre.
Samtang, magapabilin naman sa Araneta Street ang street dancing competition.
Ang tema sang MassKara Festival 2026 amo ang “Share the Smile, Celebrate Gugma.”
Ang festival sites ang lakipan sang Plaza, Bacolod City Government Center, The Upper East kag Lacson Tourism Strip.
Samtang ang Barangay and Arena Dance Competition ang pasakupan sang walo ka Barangay samtang pito naman ang magapasakop sa MassKara Festival School Category competition.
