Senator-judges, magasapol angot sa schedule sang impeachment trial batok kay Vice President Sara Duterte

Natalana nga magsapol ang mga Senator-judge agud hambalan ang schedule sang impeachment trial ni Vice President Sara Duterte.

Ini kasunod sa pila ka adlaw nga nakanselar ang trial subong nga semana bangud sang malain nga panahon dala sang Southwest Monsoon ukon Habagat.

Suno kay Sen. Erwin Tulfo, magasapol sila sa Lunes sang aga, Agosto 24 antes ang pagsugod sang trial proper.

Samtang ginpahayag ni Sen. Panfilo Lacson nga mayoriya sa Senator-judges ang pabor nga isaylo ang impeachment trial sa hapon umpisa sa Septyembre 1.

Madumdoman nga una nga ginduso ni Senate Majority Leader Miguel Zubiri nga ibalik sa hapon ang trial kag sa aga patigayunon ang sesyon sang Senado.