Patay ang isa ka anay Overseas Filipino Worker kag bana sang isa ka manunudlo matapos gintiro sa Purok Suaga, 7/11 area, Brgy. I-A, Manapla, Negros Occidental kahapon alas 11:50 sang aga, Agosto 23, 2026.
Gginkilala ang biktima kay Mauro Estrella, residente man sang nasambit nga lugar.
Sa interview sang Bombo Radyo Bacolod kay Police Captain Marion Vicente Buenaflor, Acting Chief of Police sang Manapla Municipal Police Station, pabalik na sa ila balay si Estrella kaupod ang iya asawa nga nagapungko sa backseat sang hinali lamang nga ginluthang sang lalaki nga nakabonnet ang bintana sa driver’s seat.
May yara naman sang nagahulat sa trigger man kag matapos ang krimen madasig man ini nga nagpalagyo sa wala matumod nga direksyon.
Ang biktima ang nakaangkon sang pilas sa likod sang nawala nga dulunggan.
Gindala sa Dr. Ramon B. Gusto Hospital Hospital sa Manapla, Negros Occidental sang Local Rescue Team sang Manapla para sa medication apang gindeklarar nga Dead on Arrival (DOA) sang attending physician.
Nagapadayon pa sa karun ang imbestigasyon sang mga kapulisan agud matumod ang motibo sang krimen kag matumod ang suspetsado.
