Natalupangdan ni House Private Prosecutor Atty. Amando Ligutan sa iya ginpatigayon nga direct examination ang pasulit-sulit nga sabat sang hostile witness nga si former OVP SDO Gina Acosta.
Suno kay Acosta, ginhatag niya kay Col. Raymund Dante Lachica ang P125 million bangod ini ang gintalana nga security officer ni Vice President Sara Duterte kag mas may ihibalo sa pagpatuman sang confidential activities.
Gintindugan ni Ligutan ang kaangay nga isa lamang ang sabat ni Acosta sa nagkalainlain nga pamangkot angot sa transaksyon.
Samtang sa ulihi nga pamangkot ni Defense Counsel Atty Lindon Bacquel sa cross examination, ginpamangkot sini kung ang sulit-sulit nga sabat ni Acosta ang bangod man sa sulit-sulit nga pamangkot sang prosekusyon, nga gilayon man sini nga ginbawi.
Ginkwestyon naman ini ni House Private prosecutor Atty. Amando Virgil Ligutan, nga gintawag sini nag vague ukon indi klaro nga pamangkot, nga ginsundan niya sang pahayag nga “nice try.”
Sa pag-umpisa sang re-direct examination antes magpamangkot si Ligutan, gintalakay sini ang natalupangdan nga madasig kag wala sang pagduhaduha nga pagsabat ni Acosta sa mga pamangkot angot sa confidential funds sa cross-examination sang depensa, kumpara sa nangin sabat sini sa pamangkot sang prosekusyon.
