Sa ongoing impeachment trial batok kay Vice President Sara Duterte, makapila ka beses nga ginpahayag ni former OVP Special Disbursing Officer Gina Acosta nga indi na sini madumduman ang mga detalye angot sa confidential funds nga gin-alokar sa Davao City sang si Vice President Sara Duterte pa ang alkalde.
Sang ginpamangkot ni House Private Prosecutor Atty. Amando Ligutan ang angot sa balor nga gin-alokar sang 2019 kag 2020, sabat ni Acosta nga indi na sini madumduman kun pila ang eksakto nga balor nga iya ginbatun.
Liwat ini nga ginpamangkot angot sa confidential funds sang 2021, apang sabat ni Acosta nga wala naman sini nadumduman ang mga detalye.
Pahayag sini nga siya ang tigulang na kag may kabudlayan na sa pagdumdom sa eksakto nga impormasyon.
Sang ginpatigayon ang inquiry sa confidential funds sang 2022, ini ang indi gihapon madumduman ni Acosta.
Gani sa kabug-usan, “I can’t remember” lamang ang nangin sabat lamang ni Acosta tuhoy sa balor sang confidential funds sa nasambit nga mga tuig.
