Dako ang kalipay sang mga nagabutan nga weekly studio draw winners sa ikapito nga semana sang Swerte sa Palengke Promo 2026 sang Bombo Radyo kag Star FM sa pagbatun sang iya nga premyo.
Ang first prize winner nga nagbatun sang P5,000 amo ang 14 anyos nga si Angelic Irish Pacto, sang Kahilwayan Village, Gargato, Hinigaran.
Siya ang nagdaog paagi sa ginhulog nga proof of purchase sang Dr. Wongs’ Papaya.
Ang nadag-an nga premyo ang gamiton sini sa pag-eskwela samtang ang iban ang ihatag niya sa iya iloy agud magamit sa pagbakal sang bugas.
Samtang ibakal naman sang gatas para sa iya nga bata ang premyo nga nabatun sang 2nd prize winner nga nagbatun sang P4,000.
Si Irish Jane Dellomo sang Alunan Baybay, Brgy 35, Bacolod City ang nagdaog paagi sa ginhulog nga proof of purchase sang Gardenia.
Ang premyo ang igabakal sini sang gatas para sa iya apat ka tuig nga bugtong nga bata, pagkaon nila sa sulod sang balay, kag para sa dugang nga ihulog nga entries.
Samtang bugas naman ang padulongan sang P3,000 nga nabatun sang 3rd prize winner nga si Josephine Zamora, 47 anyos, sang Prk Masinadyahon, Brgy 35, Bacolod City.
Siya ang nagatrabaho bilang street sweeper, samtang siya ang may tatlo naman nga kabataan, nga isa ang nagatrabaho na, ang ikaduha yara sa kolehiyo, samtang high school naman ang agot.
Ang premyo nga nabatun ang iya gamiton sa pagbakal sang bugas kag sud-an para sa ila panimalay.
Dako man ang kalipay sang tatlo ka consolation prize winners sa pagbatun sang tig-P1,000 cash sa weekly studio draw ang Swerte sa Palengke Promo 2026 sang Bombo Radyo kag Star FM.
Ang premyo nga nabatun ni April Rio sang Zone 1, Brgy Handumanan, Bacolod City ang ibakal niya sang groceriesa para sa ila nga balay.
Dala man sini sa pagclaim sang premyo ang iya apat ka tuig nga bata.
Si Rio ang nagdaog paagi sa proof of purchase nga San Miguel Beer.
Maintenance nga bulong naman ang padulungan sang P1,000 nga nabatun ni Jimmy Avelino, 62 anyos, sang Block 2, Lot 19, Palmas del Mar, Brgy Tangub, Bacolod City.
Siya ang nagdaog paagi sa proof of purchase nga Puregold.
Samtang maintenance man nga bulong ang tiganahan sang 72 anyos si Ofelia Estimoso sang Brgy Taculing, Bacolod City sa iya P1,000 nga premyo.
Si Estimoso ang nagdaog paagi sa ginhulog nga proof of purchase sang Orocan.
Luwas sa maintenance, magatigana man ini sang ibakal sang ila nga mangin pagkaon.
Siya ang masami nagabantay sa linuto nga negosyo sang iya bata.
Nagpasalamat ang mga ini sa Bombo Radyo, Star FM kag sa mga sponsors sa nabatun nga premyo.
Pangagda man nila sa ila nga mga abyan, kaingod, kag iban pa nga mag-entra man sa promo kag magdaog parehas sa ila.
