Pasado na sa third and final reading ang ordinansa nga nagapatuman sang localized feeding program para sa mga day care students sa ciudad sang Bacolod.
Sa interview sang Bombo Radyo Bacolod kay Atty. Caesar Distrito, Sangguniang Panlungsod Member, ang ordinansa nagatuyo nga mahatagan sang pagtamod ang mga kabataan bilang suporta sa ila pagtuon.
Ang ‘Masustansiyang Pagkain para sa Batang Pilipino Ordinance ang isa ka implementasyon sang national law nga nagapatigayon sang 160-day feeding program kaupod ang supplementary meal.
Lakip man diri ang pagpatuman sang proper nutrition, sanitation standard, kag iban pa nga tikang kontra malnutrition.
Suno kay Distrito, katuyuan sang ini nga programa nga masiguro nga wala sang bata nga mapaslawan sa ila pagtuon bangud sang kakulangan sa insakto nga nutrisyon.
