Ginpahayag sang depensa ni Vice President Sara Duterte kahapon, nga indi nila pag-idisclose ang ila mga testigo kasubong man ang ila litigation strategy sa nagapadayon nga impeachment trial.
Suno kay Defense spokesperson Michael Poa, nagahulat sila sang nagakaigo nga tion agud i-presentar ang ila mga ebidensya.
Ini matapos ginpamangkot kun may plano sila nga i-present bilang testigo si prosecution witness Ramil Madriaga.
Madumduman nga nakalista si Madriaga bilang prosecution witness sa pre-trial brief kag nagwa man sa listahan sang mga testigo sang defense team.
Wala man naghatag sang komento si Poa natuhoy kay former OVP security officer Colonel Raymund Lachica kag nagpahayag nga ang desisyon diri ang kabahin sang ila stratehiya.
Nagapati si Poa nga may yara sang game plan ang bahin sang prosekusyon kag nagpahayag nga ang depensa ang may yara man.
Dugang pa sini, ila pa itumod kun ano nga ebidensya kag kun sin-o nga mga witness ang makabulig sa kaso antes magdesisyon.
Sa pihak sini, ginpanginwala naman ni Poa ang mga report nga nagpakighinun-anon si Duterte kag President Ferdinand “Bongbong” Marcos Jr.
