Ginalantaw nga motibo sa pagbuno patay sa isa ka albularyo kag sang iya asawa sa ila nga puluy-an sa Don Hermino Village, Barangay 1, E.B. Magalona sang Agosto 19 ang angot sa grupo nga gina-intrahan sang mga biktima.
Madumduman nga samtang nagatulog ang 84-anyos nga si Bonifacio Dequit kag ang iya asawa nga si Virginia Dequit, gulpi lang nag nagsulod sa ila balay ang duha ka lalaki nga nakabonet kag ginbuno si Bonifacio sang makapila nga beses nga nagresulta sang iya kamatayon.
Samtang pilason naman ang asawa sini kag padayon pa nga ginabulong sa ospital.
Sa interview sang Bombo Radyo Bacolod kay Police Master Sergeant Henry Mangana III, investigator on case sang EB Magalona Municipal Police Station, ginpahayag sini nga miyembro ang mag-asawa sang Divine Government Association kun sa diin magabayad sang P100 kada ID para sa luyag nga magpa-miyembro.
Suno kay Mangana, ginatagana ang kwarta sang grupo kun may posible nga matabo nga pandemya.
Dugang pa, gintukod ang organisasyon sang pandemic kun sa diin masobra 60 diri ang mga miyembro.
Nagakadto man ang mga ini sa balay sang biktima kag nagatipon kun may mga okasyon.
Ginpahayag sini nga posible may naka-away si Bonifacio sa isa sa mga miyembro sang organisasyon nga ginalantaw isa sa motibo sang krimen.
Sa karun, pahayag ni Mangana nga nagapangita siya sang testigo nga magakooperar sa imbestigasyon.
