Magabaton si Lea Salonga sang iya Hollywood Walk of Fame star sa Setyembre 4 sa Hollywood Boulevard sa Los Angeles, California.
Si Lea ang labing-una nga Filipina nga makabaton sang ika-2,855 star sa Live Performance category sa Pantages Theatre.
Suno kay Ana Martinezm producer sang Walk of Fame, isa ka matuod nga trailblazer si Lea bangud sa iya nga tumalagsaon nga talento kag ang iya nga decade career ang nakahatag sang inspirasyon sa mga tumalan-aw sa bilog nga kalibutan.
Dugang pa niya, importante ang ini nga milestone indi lamang para kay Lea kundi para man sa mga Filipino community kag sa mga masunod nga artist generation.
Siya man labing una nga Asian actress nga nag-play bilang Éponine sa Broadway production sang Les Misérables, antes nagbalik sa musical bilang Fantine sa 2006 Broadway revival.
Luwas sa teatro, kilala man siya bilang singing voice ni Princess Jasmine sa Aladdin kag ni Fa Mulan sa Mulan kag Mulan II.
Sang 2011, ginapangalanan siya sang Disney bilang Disney Legend bangud sa iya nga kontribusyon sa kumpanya.
