Nakabaton sang Gold Eagle Award ang Police Regional Office – Negros Island Region (PRO NIR) matapos makakuha sang 96.03 person overall rating sa ginpatigayon nga Performance Governance System Conferment Ceremony.
Ang amo nga pagkilala nagapakita sang padayon nga institutional excellence sang PRO NIR, ilabi na sa patag sang good governance, strategic management, accountability, kag performance-driven leadership sa pagdumala sang organisasyon.
Personal nga ginbaton ni PRO NIR Director PBGen. Romano Cardiño ang amo nga award.
Suno kay PBGen. Cardiño, ang pagkilala isa ka kadalag-an sang bug-os nga organisasyon sang PRO NIR.
Nagapakita man ini sang padayon nga commitment sang tanan nga personnel sa pagpauswag sang kalidad sang serbisyo kag sa paghatag sang mas maayo nga serbisyo publiko.
