Na-demine ukon napalupok na ang tanan nga mga mines nga yara sa international waters sang Strait of Hormuz suno kay U.S. President Donald Trump.
Ginpaandaman man sini ang Iran nga ang anuman nga barko nga makit-an nga magbutang sang mga mines sa tubig ang pagabombahan.
Sa isa ka post sa iya nga social media, ginpakigbahin ni Trump nga gina-monitor sang United States, paagi sa Space Force sini, ang kada area sang Strait of Hormuz, nga isa sa pinaka-importante nga ruta sa bug-os nga kalibutan.
Suno diri, magapatuman sila sang “Zero Tolerance” nga polisa angot sa pagtanum sang mga bomba sa nasambit nga lugar.
Sa pihak nga bahin, santo sa provisional data naggikan sa shiptracker nga Vortexa, yara sa 5 million barrels kada adlaw ang oil transit sa Strait sang Lunes.
Mas manubo ini sangsa kapin 20 million barrels kada adlaw antes ang gyera.
