Isa ka pizza order ang nagresulta sa police raid matapos mag-order ang isa ka 23-anyos nga lalaki sang 300 tanan ka mga pizza nga nagabalor sang masobra P600,000.
Gin-aresto sang Central Bureau for Combating Cybercrime (CBZC) sang Poland ang nasambit nga lalaki nga residente sang Szczecin bangud sa gin-alegar stalking, identity fraud, kag pagtuga sang dako nga financial losses sa pila ka mga Polish companies.
Santo sa mga kapulisan, nag-order ang lalaki sang ginatos ka mga pizza sa random nga mga address gamit ang impormasyon sang iban nga tawo.
Kalakip sa pila ka mga orders ang mga seryoso nga pagpamahog kaangay sang pagkidnap sa isa ka menor de edad, pagsunog sa mga establisyemento, ukon planado nga mga aksidente sa dalanon.
Kalabanan sa mga order ang naka-pin sa Szczecin, samtang pila ka dinosena nga order ang naka-address sa mga mayor nga mga ciudad sa Poland kalakip ang Wroclaw, Krakow kag Warsaw.
Sa isa ka transaksyon, nag-order ang lalaki sang 300 ka pizza nga nagabalor 37,000 zlotys ukon masobra P619,000.
Gin-raid sang mga otoridad ang iya ginatiniran kag ginkuha ang mga devices kag data carriers nga ginapatihan gingamit sa pizza delivery prank.
Pananglitan mapamatud-an nga naglapas ini sa layi, mahimo masentensyahan ang lalaki sang walo ka tuig nga pagkapriso.
Padayon man nga ginahibalo sang mga otoridad ang iya motibo.
