Ginpahayag ni Negros Occidental Third District Board Member Andrew Montelibano nga indi kinahanglan magbinungguanay ang duha ka local political group nga Love Negros kag UNEGA sa 2028 elections.
Suno kay Montelibano, nagalaom siya nga magapadayon ang maayo nga relasyon sang duha ka grupo.
Suno diri mas nami ang nagahugpong kag pabor ini sa pagserbisyo sang mga pumuluyo bangud wala sang paglinalisay.
Ginpabutyag ni Montelibano nga kuntani mapabilin ang maayo nga relasyon sa tunga sang duha ka political groups sa probinsiya bangud nangin maayo kag matawhay man ang ila nga pagpangalagad sa nakaligad nga mga tinuig.
Dugang pa ni Montelibano, amigo niya ang tanan kag may yara siya sang kaugalingon nga eksperyensya sa pagpanghangkat sa politika bangud naagyan niya mismo ang indi pag-upod sa iya pakaisa bangud sa political relationship kag indi ini maayo.
Gani nagalaom siya nga wala sang pagbungguanay kag magapabilin ang maayo nga relasyon sang duha ka mga local political group.
