Indi pa masiguro sang head coach sang Gilas Pilipinas nga si Tim Cone kun makaupod sa team si Justin Brownlee para sa Asian Games.
Natalana nga magahampang ang Gilas Pilipinas batok sa Bahrain sa Setyembre 11 sa isa ka hampang nga pagahiwaton sa Japan.
Si Brownlee nagdesisyon nga indi mag-upod sa Gilas Pilipinas para sa 4th window sang FIBA World Cup Asian Qualifiers—nga may hampang batok sa Jordan sa Biyernes sa Agosto 28, kag Iran sa Domingo, Agosto 30.
Gindugang pa ni Cone nga wala sang indikasyon nga mangin kabahin sang squad si Brownlee para sa Asian Games sa Nagoya kun sa diin ang Pilipinas ang defending champion.
Wala man sang kasiguruhan nahanungod sa partisipasyon sang iban pa nga mga naturalized nga mga players sa Asian Games nga sanday Bennie Boatwright kinahanglan pa nga makakuha sang Philippine passport, samtang si Ange Kouame nagapabilin sa idalom sang kontrata sa isa ka team sa France.
