Gintigana na sang Punong Barangay sa Brgy 1, Bacolod City ang P100,000 nga para sa Barangay project gikan sa Bawat Barangay Makikinabang (BBM) Program sang Office of the President para sa pagbakal sang laptop, printer, kag projector.
Sa interview sang Bombo Radyo Bacolod kay Punong Barangay Cesar Rellos Jr., nakabakal na ang ila nga Barangay sang speaker, gani ginpakamaayo nila nga laptop, printer, kag projector na lamang ang baklon sa financial grant nga ginhatag sang Presidente.
Paathag ni Rellos nga ang nasambit nga mga gadgets ang magamit kun sila ang magpadulong sa mga Purok, kaangay sa orientation sa solid waste management.
Nagapati ini nga mas mahapos nga mahangpan sang mga pumuluyo ang mga impormasyon nga luyag nila ipadangat kun sila ang may makita nga visuals.
Sa karun sila ang nagapangita na sang mabaklan, kag ginaseguro na lamang nila nga magpili sang kalidad nga produkto agud magdugay.
Apang kun may iban pa nga suhestyon, pasalig ni Rellos nga ang Barrangay ang bukas man sa pagpamati.
Ginhatag na sa kada Barangay sa Bacolod City ang tig-P200,000 ang BBM Program financial grant kun sa diin ang P100,000 nga nabilin ang para naman sa lima ka ginpili nga Presidential Scholar.
