Nagapabilin nga naka-medical leave si Senator Loren Legarda bangud sa isa ka seryoso nga balatian, suno kay Senate President Win Gatchalian.
Suno diri, may ihibalo siya sa kondisyon ni Legarda apang ginpahayag nga tuman ka personal ini.
Suno kay Gatchalian, sila ang suod nga mag-abyanay antes pa man ang tensyon sa Senado, kag ginpahayag sini nga ginsugiran siya ni Legarda nga may ginadala ini nga serysoso nga sakit.
Santo sa National Bureau of Investigation, nagbyahe si Legarda sa France sang Agosto 2, naka-medical leave para sa Agosto 3 tubtob 5 kag nagpa-extend tubtob Setyembre 2.
Madumduman nga gina-imbestigaran sang Office of the Ombudsman si Legarda kag ang bata sini nga si Batangas congressman Leandro Leviste, angot sa P10-billion plunder kag graft complaints bangud sa kapaslawan sang ila kompaniya nga mag-provide sang solar power santo sa mga terms sa idalom sang congressional franchise.
Nakakuha man sang duha ka bulan nga travel authority si Leviste tubtob sa Setyembre 24, suno sa Ombudsman.
Ginpahayag man ni Gatchalian nga wala nagabaton si Legarda sang sweldo samtang naka-leave.
Dugang pa sini, wala man nagabaton sang senate salary ang mga naka-detain nga senador, kasubong man kay Senator Ronald dela Rosa, nga nagapanago gihapon tubtob sa karon.
