Indi makapati sa iya pagdaog ang 56-anyos nga 1st prize winner sa Grand Draw sang Swerte sa Palengke Promo 2026 sang Bombo Radyo kag Star FM.
Ang tagdaog nga makabaton sang P25,000 amo si Shirley Frane sang Purok San Roque 1, Brgy Handumanan, Bacolod City nga naggamit sang proof of purchase nga San Miguel Beer.
Suno kay Frane, dugay na siya nagalaum nga makadaog sa palengke draw, apang ini ang una nga kahigayunan nga nalawagan ang iya pangalan sa grand draw.
Siya ang may siyam ka mga bata kag iban diri ang may mga pamilya na.
Nagapati si Frane ang ang iya apo nga nag-upod sa iya sa estansyo sang Bombo Radyo Bacolod ang nangin ‘lucky charm’ sa iya pagdaog.
Taguon sini ang cash nga nadag-an agud maggamit kun kinahanglanon sang iya pamilya.
Ishare man niya ang iban diri sa iya mga kakilala.
Nagpasalamat ini sa Bombo Radyo kag Star FM sa iya pagdaog.
Nagpangagda man si Frane sa iban nga maghulog sagn entries sa masunod nga nga papromo sang Bombo Radyo agud magdaog kaangay niya.
