Nagpanugyan ang Commission on Election (COMELEC) Bacolod sa mga magafile sang Certificate of Candidacy (COC) para sa Barangay and Sangguniang Kabataan Elections (BSKE) 2026 nga sigurohon nga insakto ang prescribed forms nga ila pagagamiton.
Sa interview sang Bombo Radyo kay Atty. Katrina Trinio Caña, Election Officer sang COMELEC Bacolod, ginpahayag sini nga mas maayu nga temprano nga magfile sang COC ang isa ka kandidato.
Suno diri, naka-prescribed form ang filing sang COC kag dapat sigurohon nga ang heading kag iban pa nga kinhanglan nga ifill up ang nagareflect sa posisyon sa magapadalagan.
Dugang pa ni Cania nga sa tion nga makafile na sang COC, makonsiderar na ini nga isa ka kandidato kag indi na sila pwede nga magkampanya kun wala pa sang campaign period.
Nahibaluan nga maga-umpisa ang filing sang COC para sa BSKE 2026 sa Setyembre 28 tubtob Oktubre 5 nga patigayunon sa third floor sang SM City Bacolod.
Samtang, ang katapusan nga adlaw sang filing patigayunon sa Liga ng mga Barangay sa San Juan St. sa Oktubre 5.
Ginadumilian naman ang pangampanya sa Sepyembre 28 tubtob Oktubre 2.
Ang official campaign period ang natalana sa Oktubre 22 tubtob 31.
Sa Oktubre 3 tubtob 9 ang official election period kag sa Nobyembre 2 ang Election Day para sa BSKE 2026.
Ginpasiguro naman ni Caña nga padayon ang preparasyon sang COMELEC Bacolod para sa BSKE 2026, ma-postpone man ukon indi.
