Igaturn-over sa bulan sang Oktubre kag Nobyembre ang bag-o nga building sang Bacolod Police Station 9 kag Police Station 3.
Suno kay Bacolod City Police Office Director Col. Eugene Rebadomia, “above standard” ang Police Station 3 nga nahamtang sa Rockwell, Brgy Mandalagan sa ciudad sang Bacolod, bangud ini ang pinakamatahum nga istasyon.
Dugang pa, ginpahayag man Rebadomia nga may gin-alokar P15 million nga budget para sa sub-station sang Police Station 8 nga ihamtang sa Brgy. Singcang-Airport.
Samtang, P20- million naman para sa sub-station sang Police station 4 sa Barangay Estefania.
Ang Police Station 9 nga nahamtang sa Brgy Cabug ang iturn-over sa Oktubre.
Samtang, magapatigayon man sang ground breaking para sa pagsugod sang construction sa Police Station 8 nga ihamtang sa Barangay Tangub sa Setyembre 22.
Ini ang may budget nga P10 million gikan sa Philippine National Police (PNP).
