Ginahibalo pa sang Bureau of Fire Protection-Negros Island Region ang gintunaan sang kalayo nga nagtuga sang sunog sa headquarters sang PNP 6TH SAF Battalion sa Sitio Tan-aw, Poblacion 2, Sagay City sang Sabado sang gab-i.
Sa interview sang Bombo Radyo Bacolod kay Fire Officer 1 Joie Mark Basilan, Fire Arson Investigator sang Sagay City Fire Station, ang nasunog nga building amo ang daan na kag ini ang gin-inaguragan sang 1970.
Suno kay Basilan madasig man nagdako ang kalayo bangud ang building ang himo sa kahoy kag iban pa nga light materials.
Suno sa Fire Investigator agud nga makasulod sila nagpatawag sila sang katapo sang Explosive Ordnance Division bilang kabahin sang protocol.
Nagdangat sa anum ka fire trucks gikan sa kaiping nga fire stations ang nagresponde sa nasambit nga sunog.
Sa karun padayon pa ang imbestigasyon sang Bureau of Fire Protection-Negros Island Region agud matumod ang ginhalinan sang kalayo nga nagtuga sang sunog sa isa ka building sa PNP 6TH SAF Battalion sa Sagay City.
