-- ADVERTISEMENT --
Nagapati ang Department of Energy (DOE) nga magapadayon ang pagnubo sang presyo sang gatong sa world market tubtob sa Byernes, Septyembre 25 agud makapatuman na sang rollback sa masunod nga semana.
Suno kay DOE Oil Industry Management Bureau Director Rino Abad, dako ang ginbuhin sang presyo sang gatong sa world market sa ikatatlo pa lang nga trading day.
Pahayag niya nga bunga ini sang commitment sang Saudi Arabia nga pag-deliver sang crude oil sa mga buyer sini sa pihak sang tensyon sa Middle East.
Magluwas diri, nagapadayon man ang pagkay-o sang Saudi sa petrol line sa Red Sea kag Strait of Hormuz nga labi nga apektado sang gyera.
