Nakumpiskar ang P10.3 million nga balor sang ginapatihan smuggled nga sigarilyo sa Sitio Batang, Barangay Talaban, Himamaylan City alas-2:55 sang Lunes sang kaagahon.
Ginkilala ang arestado nga si alyas “Omar” samtang si alyas “Jun” kag alyas “Jake” ang nagapabilin nga at large.
Ang mga ini ang lunsay mga residente sang Jolo, Sulu.
Narecover ang 63 master cases sang D&B cigarettes, 74 boxes sang D&B cigarettes nga naga-unod sang 25 reams per box, 25 master cases sang YS Menthol cigarettes, kag 102 boxes sang YS Red cigarettes nga naga-unod sang 25 reams per box.
Ang operasyon ang ginpatigayon sang Regional Intelligence Division (RID), kaupod ang Negros Occidental Police Provincial Office (NOCPPO), Himamaylan City Police Station kag iban pa nga partner agencies.
Samtang, ginpanginbulan naman ni PBGen. Rudencindo L. Reales, Regional Director sang PRO-NIR, ang mga personnel kag partner agencies sa ila nangin madinalig-on nga operasyon.
Suno kay Reales, nagapakita lamang ini nga ang PRO-NIR ang padayon nga nagatinguha sa pagpatuman sang layi batok sa smuggling kag iban pa nga ilegal nga buluhaton.
