Nagpanugyan ang Negros Occidental Provincial Veterinary Office sa mga manugsagod sang kasapatan nga maghanda sa posible nga epekto sang Super El Nino.
Suno kay Negros Occidental Provincial Veterinarian Dr. Placida Lemana, importante nga may bastante nga supply sang tubig ang mga manugsagod sang kasapatan ilabi na sa mga baboy kag manok.
Dapat man suno kay Lemana, nga may proper vintalation kag may malapad nga espasyo ang mga kasapatan agud indi maginutok kag malikawan ang tuman ka init.
Ginpahayag sini nga importante man ang husto nga pagpakaon kag pagpa-inom sang tubig sa kasapatan.
Dugang pa, dapat man hibaluon kun diin sila makakuha sang supply sang tubig ilabi na sa mga dalagko nga farm.
Ini agud suno sa Provincial Veterinary Office Head, malikawanang posible nga balatian nga makuha sang kasapatan sa tuman ka init lakip na ang respiratory disease kag heatstroke.
Sa pihak sini, ginpasalig naman ni Lemana nga bukas ang ila opisina sa mga animal raisers nga nagakinahanglan sang assistance.
