Ginpanginwala ni Senate President Sherwin Gatchalian nga ginbalabagan ni Senate impeachment court presiding officer Francis “Chiz” Escudero ang pagtestigo ni anay Senator Antonio Trillanes IV sa impeachment trial ni Vice President Sara Duterte.
Suno kay Gatchalian, indi lamang si Escudero ang nagdesisyon nahanungod sa pag-issue sang subpoena kay Trillanes bangud ini ang ginkonsulta pa sa mga senator-judges sang impeachment court.
Ginpahayag sini nga may mga importante nga topiko sa impeachment trial nga una gintalakay ni Escudero sa mga senator-judge antes ini nagpagwa sang desisyon ukon ruling.
Lakip na diri ang tuhoy sa pagtestigo ni Trillanes, nga kalakip sa mga witness sang prosecution para sa Article II ukon alegasyon sa unexplained wealth.
Nauna na nga ginpahayag ni Trillanes sang Biyernes ang iya pagkadismaya kay Escudero bangud wala siya na-isyuhan sang subpoena, kag ginpahayag nga siya lamang sa mga testigo sang prosecution para sa Article II ang wala nakabaton sang nasambit nga order.
Apang, ginpaathag ni Gatchalian nga wala nagakahulugan nga indi na pwede mag-testify si Trillanes bangud wala sang subpoena naggikan sa impeachment court.
Suno sa Senate President, bukas ang impeachment court sa mga testigo nga luyag ipresenta sang magkatuhay nga kampo.
