Ginkwestyon ni Defense Counsel Atty. Mark Vinluan ang otoridad ni Anti-Money Laundering Council Executive Director Atty. Ronel Buenaventura sa pag-atubang sa House Committee on Justice kag pagdisclose sang confidential financial records sang Abril 2026.
Ginpamangkot ni Vinluan kun may specific written authority gikan sa tatlo ka AMLC members nga nagpahanugot kay Buenaventura nga mag-atubang sadto sa Congressional hearing kag pagpakita sini sang mga confidential records.
Paathag ni Buenaventura nga sa idalom sang 2022 AMLC Information Exchange Guidelines, siya ang may otoridad nga mag-atubang sa competent authorities kun ini ang isubpoena.
Ginpasundan pa ni Vinluan ang pagkwestyon, natuhoy naman sa pag-disclose ni Buenaventura sang Covered Transaction Reports (CTRs), Suspicious Transaction Reports (STRs), kag iban pa nga financial intelligence reports may kaangtanan kay Vice President Sara Duterte kag sa iya bana nga si Atty. Mans Carpio.
Suno kay Buenaventura, ang nasambit nga impormasyon ang confidential kag ang disclosure ang nakabase sa existing AMLC guidelines.
Hinali nga nag-interject si Senator-judge Raffy Tulfo sa cross-examination sang depensa kay Anti-Money Laundering Council (AMLC) Executive Director Ronel Buenaventura.
Panindugan ni Tulfo nga una na nga ginpahayag ni Presiding Officer Chiz Escudero ang pagbuyagyag sang impormasyon gikan sa AMLC records sa impeachment court.
Ginkwestyon man sini ang gina-alegar sulit-sulit nga pagpamangkot sang depensa kag suno diri bisan ang media ang ginapahog pa sa hearing.
