Indi magnubo sa 30, patay sa pagbunggu-anay sang duha ka motorized bangca sa Congo River; Madamo pa sang missing

Patay ang indi magnubo sa 30 ka mga indibidwal samtang madamo naman sang padayon nga ginapangita pa matapos magbungguanay ang duha ka motorized bangca sa Congo River sa bahin sang probinsya sang Equateur.

Suno kay provincial interior minister, Crispin Mputu, wala pa nahibaluan ang rason sang pagbungguanay apang nagpahayag ini nga madamo na sang kaangay nga insidente sa amo nga suba tuga sang overcrowding.

Ang isa ka bangka ang nagbiya sa Ubangi padulong sa capital sang Kinshasa, samtang ang isa naman ang gikan sa Kinshasa pakadto sa Lukolela, malapit sa ginluntaran sang aksidente.

Padayon naman ang search and rescue operation para sa mga nabilin nga missing kag sa posible nga mga survivors.