Ginkalipay sang gobernador sang Negros Occidental ang pagsugot sang bug-os nga sugar industry nga ideklarar bilang domestic sugar ang tanan nga kalamay nga ma-produce subong nga milling season.
Ini ang kasunod sang pagtipon sang sugar industry sang nagligad nga semana.
Ang sugar industry ang ginabug-usan sang millers, sugar planters, farmers kag traders.
Suno kay Governor Eugenio Jose Lacson, nalipay ini bangud nahimo gid man ini samtang ginalauman nga maka-produce lamang sa subong nga milling season sang 1.6 million metric tons.
Suno kay Lacson, may yara sang 12 percent nga pagnubo kun ipaanggid sang tinalikdan nga crop year.
Nagalaom man ang gobernador nga magasaka man ang presyo sang kada sako sang kalamay.
Ini bangud sa karun P2,600 ang presyo kada sako apang ini ang ginakabig sang gobernador nga survival price lamang bangud nga kamahal sang production cost sa karun.
Nadesisyunan man nga indi mag-import sang kalamay sa subong nga tuig.
