umbinsido ang political analyst sa ciudad sang Bacolod nga si Davao City Mayor Sebastian “Baste” Duterte ang padalaganon bilang presidente sa 2028 elections.
Nahibaluan nga ginbuyagyag ni Vice President Sara Duterte nga ginapapauli na ini sang iya nga iloy Elizabeth Zimmerman sa Davao kag si Baste na lamang ang bahala magpadalagan sa national.
Apang gin-athag man sang bise presidente nga wala pa nila gin-estoryahan sang iya utod ang bagay nga ini.
Madumduman sang nakaligad nga semana ginpataawag si Mayor Baste sang Senate impeachment court.
Sa interview sang Bombo Radyo Bacolod kay Atty. Jomax Ortiz, nagakumporme siya nga si Baste ang magapadalagan sa 2028 bangud maayo ang nangin performance sini sang nangin hostile witness siya sa impeachment case sang iya utod.
Suno kay Ortiz, confident si Baste nga bisan ano pa nga pamangkot masabat sini.
Suno sa abugado sa appearance ni Baste Duterte sa Senate Impeachment Court nakita sang mga tawo nga maayo man ini.
Suno diri ang una nga paglantaw sang mga pumuluyo nga daw kanto boy nabag-o ini.
Suno pa sa abugado nga tion nalang makahibalo sang matabo bangud ang “voice of the people is the supreme law.
Samtang ginalantaw sini nga mahimo nga matam-an ang bise presidente sa Article 2 sang impeachment case ilabi na sa bank deposits.
Suno kay Ortiz, bisan ano pa ka depensa sang defense counsel sini angot sa secrecy kag confidentiality madutlan sa gihapon ang bise presidente.
