Gin-aprubahan ni Pope Leo XIV ang pag-eleher kay Cardinal Luis Antonio Tagle bilang bag-o nga Dean sang College of Cardinals kahapon, isa sa mga pinakamataas kag pinaka-importante nga posisyon sa Simbahan Katoliko.
Isa ini ka maragtason nga hitabo sa Simbahan bangud si Tagle ang labing-una nga asyano nga gin-appoint sa nasambit nga posisyon.
Si Tagle, nga nagaserbe bilang Pro-Prefect sang Dicastery for Evangelization’s Section for First Evangelization and New Particular Churches, ang magabulos sa pwesto para pamunuan ang konseho sang mga kardinal sa bug-os nga kalibutan.
Ginbuslan sang Pilipino nga kardinal si Cardinal Giovanni Battista Re, nga nagserbe bilang Dean sang nasambit nga grupo humalin pa sang Enero 2020.
Bilang bag-o nga Dean sang College of Cardinals, idumalahan ni Tagle ang mga opisyal nga pagtilipon sang mga kardinal kun may importante nga mga isyu nga ginapangatubang ang Simbahan.
Kalakip man sa mayor nga katungdanan sang Dean amo ang pagtawag kag pagpadalagan sang Papal Conclave ukon ang proseso sang pag-eleher sang bag-o nga Santo Papa pananglitan mabakante ang posisyon sa Vatican.
