Patay ang isa ka 14-anyos nga estudyante samtang indi naman magnubo sa 24 ka indibidwal ang pilason matapos maglupok ang isa ka unexploded ordnance ukon bomba.
Ang insidente ang natabo sa isa ka school hiking trip sa border sang Lebanon santo sa ambulance service sang Israel.
Madamo sang nagalinapta nga mga explosive devices sa nasambit nga bahin tuga sang konflikto sa tunga sang Israel kag Lebanese militia group nga Hezbollah.
May mga rockets kag missiles nga wala naglupok nga nagahatag sang risgo sa mga sibilyan sa palaabuton.
Ginpahayag ni Deputy Commissioner Meir Eliyahu, posible nga ginpudyot sang isa ka estudyante ang bomba gani ini ang naglupok.
Suno sa isa ka paramedic, kalabanan sa mga samad nga naangkon sang kabataan ang resulta sang shrapnel impact.
Pilason ang 22 ka mga estudyante, lunsay mga lalaki, duha diri ang yara sa kritikal nga kondisyon, samtang nakaangkon man sang injuries man duha ka adult, suno sa ambulance service.
