Nanaog sang isa ka pwesto ang Filipina tennis star nga si Alex Eala padulong sa No. 19 sa pinakabag o nga Women’s Tennis Association (WTA) official rankings nga ginpagwa sang Lunes.
Halin sa iya nga career-high ranking nga No. 18 sang nakaligad nga Agosto may yara na sa karun sang 2,241 puntos ang 21-anyos nga Filipina tennis star.
Ang pagpanaog ni Eala sa ranking ang kasunod sang pagsaka sang Belgian tennis player nga si Elise Mertens halin sa No. 19 padulong sa No. 14 matapos makatipon sang 2,540 puntos.
Sa pihak sini, si Eala sagihapon ang may pinakamataas nga nalab-ot nga ranggo sa kasaysayan sang South-East Asia sa WTA Tour, matapos ini nga lapawan ang nakaligad nga record nanday Yayuk Basuki sang Indonesia kag Tamarine Tanasugarn sang Thailand nga pareho nga yara sa No. 19.
