VP Sara Duterte, nanindugan nga indi magpanaog sa pwesto apisar sa political pressure kag mga akusasyon nga ginahaboy sa iya

Hugot nga ginpanindugan ni Vice President Sara Duterte nga indi ini magbiya sa pwesto.

Ang nasambit nga pahayag ang kasunod sang mga political pressure kag legal challenges nga ginapangatubang sang Bise Presidente partikular na ang impeachment trial.

Suno kay Duterte, indi ini magpaapekto sa nasambit nga mga anomaliya nga ginahaboy batok sa iya.

Ginpahayag man nga wala siya sang plano nga mag-atras sa pagpapili bilang presidente sa masunod nga eleksyon.

Ginakabig sang bise presidente nga isa ka blessing ang impeachment trial bangud ma-usisa sang publiko ang matuod-tuod niya nga pagkatawo.