Lalaki, patay matapos gina-alegar naglumpat sa Taytay Abad sa Brgy Singcang-Airport, Bacolod City

Patay ang isa ka lalaki matapos maglumpat sa Taytay Abad sa Brgy Singcang Airport, Bacolod City kapin alas-6:30 subong nga aga.

Ang biktima nga wala pa sang identity, ang ginabanta yara sa 50 tubtob 60 anyos, nakasuksok sang blue nga tshirt, maong shorts, kag top-sider nga sapatos.

Nabatun sang Bacolod Police Station 8 ang report sang gina-alegar pagolumpat sang lalaki alas-6:40 subong nga aga.

Pahayag sang nagreport nga si Jessie Nadera, residente sang Prk. Malinong, Brgy. 40, nga sang mabatian sini nga may naglumpat sa taytay, gilayon man sini nga ginpadulungan kag nakita na lamang niya nga naga-utaw utaw na sa suba ang biktima.

Sa karun wala pa sang pamilya nga nagkilala sang biktima.

Photos: Franz Claur