Nagpadayon sa ikaduha nga adlaw ang kinagamo sa tunga sang mga estudyante nga nagaprotesta kag mga kapulisan sa capital sang Albania kahapon sa diin naggamit na sang water cannons ang mga otoridad agud makontrol ang sitwasyon.
Nakigbahin ang mga demonstrador sa isa ka hublag-protesta para sa anti-government campaign nga nagapamatok sa isa ka development project may kaangtanan sa umagad nga lalaki ni U.S. President Donald Trump nga si Jared Kushner.
Nag-set-up ang mga kabataan sang barikada sa mga kalsada gamit ang gintutdan nga mga basurahan kag agresibo nga nagabato sa mga kapulisan.
Makita sa palibot sang capital ang mga buka nga glass window sang mga baligyaan, kag mga nagalapta nga mga teargas sa kalsada.
Nag-ugat ang protesta sa pagkadismaya sang mga estudyante sa public education system sang Albania.
Ang lapnagon nga anti-government movement ang nagapanawagan man sang resignation ni Prime Minister Edi Rama sa gin-alegar korapsyon.
