Mangin kabahin ang 539 ka mga himata sang mga gin-alegar biktima sang judicial killings sa idalom sang Duterte administration sa nagapadayon nga trial sa International Criminal Court.
Katuyuan sang ila partisipasyon nga mapakita kun paano nila ginpangatubang ang tuman ka pagpangasubo kag kabudlayan.
May pila man ka mga himata nga nag-untat sa pagskwela bangud sa kahadlok, santo sa isa ka trial brief nga ginsumite sang ila nga common legal representative sang Oktubre 13 sa ICC.
Ginpahayag man sa 108 pages kun paano ginbatuan ang psychological distress kag ang kakulangan sa pinansyal matapos mautas ang kabuhi sang ila nga himata sa EJK.
Halos 190 naman sa mga napatay ukon subjected to attempted killing amo ang mga breadwinners santo sa mga representatives.
Samtang, ang iban sa ila ang naga-income sang P100 lamang kada adlaw antes sila ginbawian sang kabuhi.
Ang 539 ka mga biktima ang lunsay nagpahayag nga sila ang naka-eksperyensya sang psychological harm.
Ginlaragway man sang representative ang epekto sini sa mga bata sa diin pila sa ila ang nakaeksperyensya sang bullying bangud sa kaangtanan nila sa mga gin-alegar imbolbado sa ilegal nga droga.
