Nag-import ang Pilipinas sang masobra four million metric tons (MT) sang bugas sa una nga siyam ka bulan sang tuig bangud sang masako nga pagbakal sang traders agud makatukod sang buffer stocks sa tunga sang projection sang mas manubo nga local production.
Base sa latest data halin sa Bureau of Plant Industry (BPI), nagdangat sa 4.07 million MT ang rice imports halin sang Enero tubtob Septyembre.
Nagsaka ini sang 24 percent halin sa 3.28 million MT sa amo man nga period sang nagligad nga tuig.
Nalapawan sang volume ang full-year shipments nga 3.39 million MT nga na-record sang nagligad nga tuig.
Nagsaka ini sang 20 percent base sa data sang BPI.
Sa amo nga volume, 67 percent ang halin sa Vietnam nga may 2.73 million MT, nga ginasundan sang Thailand nga may 552,667 MT, Myanmar, Pakistan, Cambodia, kag India.
