Naglapaw pa sa doble ang kadamuon sang mga festival goers sini nga Masskara Festival 2026 sangsa nakaligad nga tuig, base sa assessment sang festival director.
Sa interview sang Bombo Radyo Bacolod kay Rodney Ascalon, Festival Director sang Masskara 2026, ginpahayag nga nalab-ot gid ang ginalauman nga goal para sa 3-day highlights sang selebrasyon.
Suno kay Ascalon, nangin safe gid ang tagsa ka mga festival sites sa nagkalain-lain nga bahin sang ciudad.
Ginpahayag man sini nga maayo gid ang resulta sang sales sa diin nalapawan nila ang sang nakaligad nga record.
Kasubong man para sa mga ambulant vendors kag kiosk nga nakabenepisyo gid sang tatlo ka adlaw nga highlights sa diin dako man ang ila nga kita.
Nagpasalamat si Ascalon sa tanan nga ahensya nga nagsiguro nga matawhay tubtob matapos ang selebrasyon.
Ginpasalamatan man sini ang tanan nga tumalambong, lokal man ukon bisita, nga nag-enjoy gid sa Masskara Festival 2026.
